Rreth 3 mijë amerikanë kanë dalë vullnetarë për të luftuar në Ukrainë

07:01 | 6 Mars 2022
Trina Galanxhi

Rreth 3 mijë amerikanë i janë përgjigjur thirrjes për të shkuar vullnetarë në Ukrainë për të luftuar atje kundër Rusisë, tha një përfaqësues nga Ambasada e Ukrainës në Uashington DC për shërbimin e lajmeve të Zërit të Amerikës.

Vendet perëndimore nuk po dërgojnë trupa për të luftuar në terren në Ukrainë, por kanë dërguar armë në Ukrainë për të ndihmuar në luftën e vendit, transmeton portal arbresh.info

Perëndimi gjithashtu ka ndëshkuar me sanksione ekonomike Rusinë dhe oligarkët rusë.

Presidenti ukrainas Volodymyr Zelensky dhe zyrtarë të tjerë të lartë ukrainas kanë bërë thirrje për formimin e një “legjioni ndërkombëtar” vullnetarësh të huaj për të ndihmuar në luftim.

Disa ditë më parë, Zelensky vlerësoi se rreth 16 mijë të huaj janë paraqitur vullnetarë për të ndihmuar në luftën në Ukrainë, e cila tashmë ka hyrë në ditën e saj të 11-të./bbc/arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm